وجه الرئيس عبدالفتاح السيسي، سؤالاً إلى اللواء محمد عبدالحى، رئيس مجلس إدارة الشركة الوطنية للزراعات المحمية أثناء كلمته بمؤتمر افتتاح 1300 من الصوب الزراعية اليوم، قائلاً: «انت بتقبض كام؟«.
ورد رئيس مجلس إدارة الشركة الوطنية للزراعات المحمية: »بقبض 14 ألف و200 جنيه«.
ليرد السيسى، قائلاً: »محمد لو غمض بس فى يوم ممكن يعمل 12 مليون جينه وأكثر«.
وتابع السيسى: »بسأله فى يوم أنت ساكن فين قالى أنا ساكن فى حتة بعيدة، فقلت له أنت ساكن فى مكان بعيد يعنى حوالى 40 كيلو رايح و40 كيلو جاي، وبتستخدم سيارة الجيش، وكمان بنزين، يبقى لازم تنقل فى مكان بجوار الشركة، قالى أنا معنديش غير الشقة دي، قلتله بعها واشترى شقة فى مكان قريب من الشركة«.
وتابع السيسى: »ممكن حد يقلى خليه ياخد فيلا أو شقة من اللى بتعملوهم، لكن أنا بقول من أول أنا ولحد أى شخص، جنيه واحد لأ.. واللى يعمل كدا ملوش مكان بينا««.
وقال السيسى: »فى ناس بتطلع بكلام مغرض، لكن والله ملوش مكان بينا ولا بشكل قانونى أو غير قانونى، المقابل مش فلوس بس، المقابل عز مصر وشرفها وكرامتها بين الدول”.
ويفتتح الرئيس عبد الفتاح السيسى، 1300 من الصوب الزراعية على مساحة 10 آلاف فدان فى إطار المرحلة الثانية من «قطاع محمد نجيب للزراعات المحمية»، فى منطقة الساحل الشمالى.
وأوضح السفير بسام راضى، المتحدث باسم رئاسة الجمهورية، أن إنتاج المشروع يعادل نحو مليون فدان من الزراعات التقليدية، كما يعد المشروع الأكبر فى مجال الصوب الزراعية بمنطقة الشرق الأوسط.
ويهدف المشروع إلى المساهمة فى تحقيق الأمن الغذائى وسد الفجوة بين الإنتاج والاستهلاك، فضلاً عن تعظيم الاستفادة من الأراضى المتاحة للأنشطة الزراعية مع ترشيد استخدام مياه الرى.